കൊട്ടാരക്കരയിൽ 12 വയസുകാരി പീഡനത്തിനിരയായി ഗർഭിണിയായി; ബന്ധു കസ്റ്റഡിയിൽ
കൊല്ലം: കൊട്ടാരക്കരയില് (Kottarakkara) 12 വയസുകാരി പീഡനത്തിനിരയായി (Rape) ഗര്ഭിണിയായി.
സംഭവത്തില് ബന്ധുവായ 21 കാരനെ പൊലീസ് കസ്റ്റഡയില് എടുത്തു. കടുത്ത വയറുവേദനയെ തുടര്ന്ന് ഇന്നലെ വൈകിട്ട് പെണ്കുട്ടി ആശുപത്രിയില് എത്തിയതോടെയാണ് സംഭവം പുറത്തറിയുന്നത്. അസഹനീയമായ വേദന തുടര്ന്നതോടെ ഡോക്ടര്മാര്ക്ക് സംശയമായി. തുടര്ന്ന് നടത്തിയ പരിശോധനയിലാണ് കുട്ടി ഗര്ഭിണിയാണെന്ന് കണ്ടെത്തിയത്.
കുട്ടിയെ കൗണ്സലിംഗിന് വിധേയയാക്കിയപ്പോഴാണ് ബന്ധുവായ ഇരുപത്തിയൊന്നുകാരന് തുടര്ച്ചയായി പീഡിപ്പിച്ച കാര്യം കുട്ടി പറഞ്ഞത്. ഇതോടെ പൊലീസ് യുവാവിനെ കസ്റ്റഡിയിലെടുക്കുകയായിരുന്നു. ഒരേ കോളനിയില് അടുത്തടുത്ത വീടുകളിലാണ് പീഡനത്തിന് ഇരയായ പെണ്കുട്ടിയും പ്രതിയായ യുവാവും താമസിക്കുന്നത്. പെണ്കുട്ടിയുടെ അമ്മയുടെ സഹോദരിയുടെ മകനാണ് പ്രതി. ദളിത് വിഭാഗത്തില്പ്പെട്ട പെണ്കുട്ടി സാമ്ബത്തികമായി പിന്നാക്കം നില്ക്കുന്ന കുടുംബത്തിലെ അംഗമാണ്.
Source - Asianet News
Comments
Post a Comment
Please don't use abusive or harrassive language.If anybody posts comments without manners we will surely try to remove it