കാനഡയില് ജോലി വാഗ്ദാനം ചെയ്ത് പണം തട്ടിയയാള് അറസ്റ്റിൽ
തൃശൂര്: കാനഡയില് ജോലി വാഗ്ദാനം ചെയ്ത് പണം തട്ടിയയാള് അറസ്റ്റില്. മൂവാറ്റുപുഴ മുളവൂര് തൃക്കളത്തൂര്ക്കര മാളിക്കുന്നേല് വീട്ടില് ജോബിയാണ് (31) അറസ്റ്റിലായത്.
മരത്താക്കര സ്വദേശിയില്നിന്ന് ഏഴ് ലക്ഷം രൂപ തട്ടിയെടുത്ത കേസിലാണ് തൃശൂര് ഈസ്റ്റ് പൊലീസ് അറസ്റ്റ് ചെയ്തത്. 2019 മേയ് മുതല് പലതവണകളായാണ് വിസ ഫീസ്, പ്രോസസിങ് ഫീസ് എന്നിങ്ങനെയായി പരാതിക്കാരനില്നിന്ന് തട്ടിയെടുത്തത്. കേസ് രജിസ്റ്റര് ചെയ്തതറിഞ്ഞ് ഒളിവിലായിരുന്നു.
കഴിഞ്ഞ ദിവസം ഇയാള് വീട്ടിലെത്തിയിട്ടുണ്ടെന്ന രഹസ്യവിവരം ലഭിച്ചതിനെ തുടര്ന്ന് വീട്ടിലെത്തിയാണ് അറസ്റ്റ്. സബ് ഇന്സ്പെക്ടര് കെ. ഉമേഷ്, സീനിയര് സിവില് പൊലീസ് ഓഫിസര്മാരായ കെ.എല്. ജോഷി, പി. ഹരീഷ് കുമാര്, വി.ബി. ദീപക്ക് എന്നിവര് ചേര്ന്നാണ് അറസ്റ്റ് ചെയ്തത്.
Source - മാധ്യമം
Comments
Post a Comment
Please don't use abusive or harrassive language.If anybody posts comments without manners we will surely try to remove it