School Reopen : സ്കൂൾ തുറക്കൽ, തിങ്കളാഴ്ച്ച ഉന്നതതല യോഗം, ക്ലാസുകൾ വൈകിട്ട് വരെയാക്കുന്നത് ചർച്ചയാകും
തിരുവനന്തപുരം: സംസ്ഥാനത്ത് സ്കൂളുകള് (School) തുറന്ന ശേഷമുള്ള നടത്തിപ്പ് ചര്ച്ച ചെയ്യുന്നതിനായി തിങ്കളാഴ്ച്ച വിദ്യാഭ്യാസ വകുപ്പിന്റെ ഉന്നതതല യോഗം ചേരും.
10,11,12 ക്ലാസുകള് വൈകിട്ട് വരെയാക്കാന് തീരുമാനിച്ചിരിക്കെയാണ് യോഗം. 1 മുതല് 9 വരെ ക്ലാസുകളും വൈകിട്ട് വരെയാക്കുന്നത് പരിഗണനയിലുണ്ട്. പരീക്ഷയ്ക്ക് മുന്പ് പാഠഭാഗങ്ങള് തീര്ക്കാന് ലക്ഷ്യമിട്ടാണ് തീരുമാനങ്ങള്. പരീക്ഷകളുടെ നടത്തിപ്പിനായുള്ള തയാറെടുപ്പുകളും ചര്ച്ചയാകും.
ഒന്ന് മുതല് ഒമ്ബതു വരെ ക്ലാസ്സുകള്, ക്രഷുകള്, കിന്ഡര് ഗാര്ട്ടനുകള് തുടങ്ങിയവ ഫെബ്രുവരി 14 മുതല് ആരംഭിക്കാന് മുഖ്യമന്ത്രി പിണറായി വിജയന്റെ അധ്യക്ഷതയില് ചേര്ന്ന കൊവിഡ് അവലോകന യോഗത്തില് തീരുമാനമായിരുന്നു. പത്ത്, പതിനൊന്ന്, പന്ത്രണ്ട് ക്ലാസ്സുകളും ബിരുദ, ബിരുദാനന്തര ബിരുദ ക്ലാസ്സുകളും ഫെബ്രുവരി ഏഴ് മുതല് ആരംഭിക്കുന്നുണ്ട്. പരീക്ഷകളും മുടക്കമില്ലാതെ നടത്തും.
Source - Asianet News
Comments
Post a Comment
Please don't use abusive or harrassive language.If anybody posts comments without manners we will surely try to remove it